Ka KSU Wahiajer Unit da lehkmen ko yei dap chi snem yong ka ha ka yalang wa da pynman ha yung krehkaam ka KSU Wahiajer Unit ha ka 8 tarik uni u bnai deiwa emlang u General Secretary ka KSU West Jaiñtia Hills, u Leningrad Tariang, u Conard Sana, Education Secretary ka Jowai Circle, ki dkhot ka KSU West Jaiñtia Hills, kiwa kitkaam ka KSU Wahiajer Unit, u Dauni Phawa uwi na ki waheh ka chnong Wahiajer wa u Secretary Sport ka Wahiajer, u Nangroi Laloo.
Da yoh leh yei klam na u Leningrad Tariang uwa da e yei yaroh yaka KSU Wahiajer Unit wa da ye ko u kreh yaki kaam wa bha hapoh ka chnong Wahiajer hanla dang man ko kawa dang khian i rta.
Da yoh leh yei klam na u Dauni Phawa uwa da e khublei ya ka KSU Wahiajer Unit yei dap chi snem yong ka, da kyntu u leh wow nang khreh bha chooh chooh ki neibynta u wanrah ya i kaam wa bha hapoh ka chnong ka thaw, heijooh i por leh da kyntu u yaka KSU Wahiajer Unit u em i ya khrehlang chirup chirup waka chnong ka thaw khnang yoh wanrah ko yei roi i paar.
Ha kani ka yalang da yoh leh wow ah ya u Cake dap chi snem ka KSU Wahiajer Unit da u Nangroi Laloo wei da e yarap poisa leh cha iwi i khonboo wa dang 8 bnai hadien iwa da dooh noh ya ka bei.
