Ka Meghalaya da ye ko wow lehbha hadien wa da hap bood ko nadien haka Innings wa nyngkong yow jop da ar Wicket ya ka Mizoram haka yalehke wa nyngkong yong ki haka Ranji Trophy wa da pynman ha Nadiad, Gujarat ynnin ka sngi.
Ya ka Meghalaya da booh thong 298 yow jop, heiwa ha iwi i por ka Meghalaya da yoh ko 245/8 tangwa u Dippu Ch Sangma wa u Akash K Choudhary da kamai ki 55 Run neibynta ka Wicket wa khynde yow pynjop.
Ka Meghalaya da sdang ko yaka yalehke ha ka sngi wa soo wa man leh ka sngi khaddooh deiwa yoh 75/3, wei da emkaam sa 223 Run yow jop.
U Guest Professional Punit Bisht wa u Swarajeet Das da pteiñ ki ya ka Wicket wa soo deiwa kamai 90 Run deiwa yoh mar 53 Run samen.
Ka Meghalaya kattu daw yachem ko waka Sikkim ha Shillong kawa daw sdang nadooh ka 20 tarik.
