Daw wai u Modi ya kiwa boon ki kreh ha ka lehkmen dap 50 snem ka NEC

Ka North Eastern Council (NEC) toh kawa da sdang da ka aiñ ka Parliament ha u 1971. Da wai ya ka ha ka 07-11-1972 ha Shillong, wei da dap ko 50 snem ha u Khonchonglad (Nov) 2022. Kamtæ ha ka 70^th Plenary Meeting wa pynman ha Guwahati ha u Naichiphaw uni u snem hapoh i pynlai u Union Home Minister kamjooh u Chairman ka NEC, u Amit Shah da rai wa uni toh u moomær wa emkaam ya ka NEC wei toh wow lehkmen ya ini.

Kamtæ kani ka lehkmen Golden Jubilee ka NEC u pynman ha Shillong haka 18 tarik uni u bnai heiwa daw em ka yalang kawa neibynta ki heh ka NEC wa kawi won neibynta ki paidbah. Ya kani ka yalang ki heh daw pynman ha State Convention Centre Auditorium katwa ka yalang paidbah won daw pynman ha madan Polo, Shillong.

Ha waroh ar kini ki yalang daw wan wow emlang u Prime Minister Narendra Modi deilang wa waroh ki dkhot ka NEC, ki Montri ka sorkar pyrdi, ki Montri ka DoNER, ki Lat ki jylla, ki Montri Rangbah ki jylla ka North East, ki Montri sorkar pyrdi kiwa naka thaaiñ North East, ki MP, ki MLA deilang wa ki Nominated Member ka NEC. Daw emlang leh ki Chief Secretary, ki Secretary ki Central Ministry, ki heh sorkar ki jylla North East wa kiwi kiwi de kiwa chah khut sñiawbha.

Ha ka yalang paidbah daw emlang leh ki bru wa paawkhmat ka imlang sahlang, kiwa paawnaam, ki Self Help Group, ki seiñ ki warep na waroh ki 8 tylli ki jylla ka North East. Da antaad wa daw em kamwa 10,000 ngut ki bru ha kani ka yalang paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Prime Minister daw wai u leh ya kiwa boon ki kreh neibynta ka thaaiñ wa kynthup ya thaw thymme ka Indian Institute of Management (IIM), Shillong, ki 4G Tower ka Meghalaya, ki kreh ka NEC kamjooh ki kreh ha Meghalaya wei daw booh mooyurim u leh ya kiwi de ki kreh kiwa dapoi T. 2450 klur.

Daw pynlait leh ya ka “GOLDEN FOOTPRINTS”, ka kot wa pynyoo ya ki kreh ka NEC yow wanrah yei roi i paar hapoh ka thaaiñ North East ha ki 50 snem wa da lai.

Lyngba kani ka lehkmen Jubilee da yooluti wa daw yarap ko wow pynpoi chooh chooh ki kreh wa bha ha kini ki sngi wow wan kamwa da leh ha ki 50 snem wa da lai ha ki 8 tylli ki jylla ka North East.