Ka 22 tarik u Khonchonglad (Nov) 2022, da man ko ka sngi wa sñiawsih wow sahkynmoo yanom ka pateiñ heiwa da em 5 ngut kiwa da chah siat yap ha ki pulit wa ki Forest Guard ka Assam ha chnong Mukroh.
Hajrong ini kam i dak wow sahkynmoo warom ya u (L) Nikhasi Dhar uwi na kini ki san ngut, neiliang ka kurim yong oo ka Klanty Phawa da chna ko da u mot sahnaam ya oo ha pchem yung yong ka.
Ya uni u mot sahnaam da wai ha kani ka 24 tarik da ka Klanti Phawa hei emlang u Pastor T.H. Lyngdoh, u Rev. Pastor B. Shadap, u Rev. Pastor DH Lamare ryngkat i emlang ki tymmen wasan wa ki khon ka Balang Presbyterian.
Chwa wow wai sahkynmoo ya uni u mot da em i duwai pynkyntang wa i rwai kam i dak wow kyrkhu ya u Nikhasi Dhar uwa da khlaad wei katni em u chirup wa u Blai Kynrad.
Ha kani ka sngi da e yarap leh da u khoo waka kymmor cha ka Klanti Phawa kawa da chah ieh samen hadien wa khlaad noh u kurim.
