Kam chibynta wow kyntu wei wow pynku yei sap yong ki khyllood hapoh ka thaaiñ Nongjngi, ka Seiñraij Ionlwit (Nongjngi) da pynman ko ya ka yakob miat kynthai kawa tip kam ka 4th Miss Nonjngi Beauty Contest 2022 heiwa da pynman lang ya ka Fancy Dress yong ki khynnah 15 snem chapoh ha ka 30 tarik uni u Kmaichonglad (Dec) 2022.
Ha kani ka yakob miat kynthai yong ki khon khyllood da wan wow chimbynta da ki 9 ngut ki khon dapkynthai na ka Nongjngi Circle heiwa da pynman ya ka da le kylla wa kynthup ya ka Traditional Round, ka Casual Round wa ka Formal Round.
Hawa kut, kiwa bichaar da yoo biang ki wow jied ya ka Dorachiva Daw kam ka Miss Nongjngi kawa na chnong Lumtrep (Nongjngi) kawa 23 snem i rta kawa lai puræ LLB ha Shillong Law College wei da yoh ko leh ya ka song poisa kawa T. 10,000.
Yei naam 1st Runner Up da yoh ka Firstlin Roy Kam na ka chnong Moolephaw Nongjngi kawa 20 snem i rta kawa lai puræ BA 6th Semester (English Major) ha Kiang Nangbah Government College, Jowai wei da yoh ko leh ya ka song poisa kawa T. 5,000.
Yei naam 2nd Runner Up won da yoh ka Margret Pale kawa 23 i rta kawa lai puræ MSc 4 Semester, ha University Of Science And Technology Meghalaya kawa na chnong Ionglwit (Nongjngi) wei da yoh ko yaka song poisa kawa T. 3,000.
Haka Fancy Dress won kiwa jop man ki kamni :
1st Ka Sienaki Daw
2nd Ka Dayoomi Daw
3rd Ka Daphishisha Niang
Ya kani sngi da wan sakhi lang da u Sainia Kyndiah uwa man leh kam u sahep sorkar haka chnat PWD kam u kongsan wa u Evening Teron, MDC ka thaaiñ kam u symbood kongsan deiwa emlang leh wa u Lakhon Dkhar, MDC ka Khliehtyrshi.
