Ka Meghalaya da jop ko deiwa skembha ya ka Arunachal Pradesh da 226 Run ha ka yalehke ka Ranji Trophy kawa da pynman ha Anand, Gujarat ynnin ka sngi.
U Arbin Singh hawa yaleh ha ka nyngkong dooh ka yalehke First-Class Match da yoh u 5/42 da ka bol yow pynhaap ya kiwa Bat ka Arunachal da 185. Ha ka Innings wa nyngkong da yoh u 3/53 iwa mut waroh da yoh u 8/95.
Ka Arunachal da sdang ko ynnin deiwa pteiñ da 12/3 iwa mut emkaam ki thij 400 Run yow jop heiwa da lehbha u Rahul Dalal uwa da yoh 96 Run chwa u haap u ha u Arbin.
U Suraj Tayam won da kamai u 35 Run katwa u Ngurang Tana da yoh u 13 Run na 132 bol.
Ka Arunachal da yoh 45 wa 50 Run neibynta u Wicket wa soo wa uwa san yow pynslem yei rem tangwa u Tayam da haap u ha u Dippu Ch Sangma (1/17) u Tana won da haap u ha u Abhishek Kumar (3/29). U Dalal wa kiwi kiwa sah da haap ki ha u Arbin.
Ka Meghalaya kattu da jop ko la soo sien na ki soo tylli ki yalehke yow yoh nyngkong heiwa ka Manipur da em ko hei wa ar. Ka Manipur kattu daw yachem ko waka Meghalaya ha Shillong nadooh ka 10 tarik uni u bnai.
