Ka Dorbar Chnong Hingaria kawa haap hapoh ka 5-Sutnga Saipung Constituency, East Jaiñtia Hills da booh ko yei kyntu ya ki kyrtong MLA ha kani ka Election 2023.
Ka chnong Hingaria da ong ko wa pdiang sñiawbha ko ya waroh ki kyrtong ki seiñhima sima kiwa wan wow yalap Election hapoh ka chnong da jar-jiar ki yurim. Tangwa iwi i wa ka chnong da booh ko yei kyntu ya waroh wa ym chah wow saam poisa wei khamtam dooh yei kiad lane kiwon kiwon ki jait dih wa pynmuaid.
Ka chnong da pyntip ko leh wa ym jooh e laad wow dai kamjooh wow dih kiad hapoh ka chnong ka thaw neidaw wa yah i chei jæd i pra ka imlang sahlang wei da pynthut ko leh yei chongsuk chongsaaiñ.
Kamtæ lada chem wa em kiwa tyngkheiñ lane leh pyrchah, ka chnong ym yohsa wow pynchitom deiwa eh katkam ki kyndon aiñ chnong.
Ka Wyrta na u Waheh Chnong ka Hingaria, u Thepmon Khonglah.
