Pdiang burom ka BJP ya u Marki Mulieh wa ya u Sing Mulieh

Jowai : Ynnin ka sngi 29 tarik ha Yung Walieh ka Tpep Pale da pdiang burom ka BJP ya u M. Mulieh da u D. Kharsati Genl. Secy. BJP Meghalaya katwa ya u Sing Mulieh won da leh da u Shibun Lyngdoh State President Meghalaya.

U J.G. Kyndiah,President BJP West Jaintia Hills District Committee, da khana u ya i krehkam i yong oo, ha kawa da dep thung u ya ki wa kitkaam ha waroh ki San tylli ki Constituency ne ki Mandal Committee hapoh ka District.

Ki paidbah kiwa da psiah dkhot ha ka BJP lyngba ki laad online wa ki form ha waroh ka dist da em ki kamwa 20,000 ngut. Kamjooh da khana paidbah u, wa u Smenlang Kyndait u yaleh u na ka Sein BJP ha kani ka election chitein samoi na War East MDC Constituency, heiwa da paan u ya i kyrchaanlang na waroh ki paidbah ya uni u bru uwa da pynyein da ka Sein.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da yoh leh ya i klam na u K.L. Pariat State Secretary, hei yatoh wa ka nongrim yong ka sein ka Integral Humanism. I thmu neibynta u pynkhlaan ya ka jaitbru wa ka ri (Nationalism), ka seiñ (Party) wa i chimet næ samen (Self). Ka sein toh ka wow pyndooh ya ka bamsap wa u yaleh chitom u pynbiang pyntoh ya ka roi ka par ha waroh ki liang kamwa da thrang ki paidbah lyngba ka Sorkar NDA kawa da yahkhmat da u PM Narendra Modi.

Da pynsniaw u leh ha ki paidbah uwa da em kamwa 600 ngut ya i krehkaam kani ka sorkar kawa da yahkhmat da ka Seiñ Congress heiwa ka da pynhiar dor ya ka Yaw ka hat, ka aiñ ka kyndon khamtam ya iwym chimkhia kani ka sorkar u pyndooh ya i chah lehbor ya ki khynnah kynthai iwa da joor dang joor i ha kini ki sngi kamjooh leh dang joor i dooh kreh dooh khih ki khynroo khyllood.

Da khut ya waroh ki khynroo ki manbei ki nong chongchnong ka Ri-loom Jaiñtia wow mih ki chakhmat yow ya chimbynta ha ka yaleh wow pyrkhat lang neibynta wow pyndooh noh ya i synchaar ka seiñ Congress na kani ka ri-loom wa ka jylla.

Da yoh leh ya i klam na u M. Mulieh heiwa da khana u wa i krehkaam wa ryntih ka seiñ BJP wa i yahkhmat da u Narendra Modi toh ka daw kawa pynman ya oo wow iehnoh u ya ka seiñ UDP wow emlang noh u wa ka BJP hapoh i yahkhmat u ma Shibun Lyngdoh.

U ma Sing Mulieh da khana u wa ki daw wa khooid wym em i bamsap ha ka BJP nadooh i por u PM Atal Behari Vajpayee wa hadooh katni wa em da u PM Narendra Modi, kamjooh i khang pyrchah ka NGT ya i khih mooyong lyngba ka sorkar kawa synchar da ka sorkar Congress-UDP ha i tu i por, heiwa ka Mining Policy kawa ong wa u e wai noh da ka Square Meter ya ki thaw tih mooyong toh kawi na ki daw kiwa pyrchah bha u hadooh wa da pynman ya oo wow mih noh u na ka UDP wow emlang noh u wa ka BJP.

Da yoh leh ya i klam na u D. Kharsati State Genl. Secy. heiwa da ong u wa da tipmit ki ri yong ka pyrthai ya i khlan i bor krehkaam u PM Narendra Modi, kawa lait na i bamsap ha kini ki ar snem chitein wa ki yarap wa boon jait ki scheme ya ki paidbah ka ri India.

Heiwa neiliang i yong oo da khut da kyrpad u ya waroh ki wa chong chnong ka ri-loom Jaiñtia wow krehlang ki wa ka BJP yow noh i ya ka synchaar kawa khooid kawa hok nadooh u snem 2018 chanein.

Khaddooh da yoh ya i klam na u State President ka BJP ha kawa da e khublei u ya waroh ki paidbah kiwa da kyrchaan ya oo ha ka election MP kawa da dep, khamtam kattu kamwa da man u kam u President yong ka sein BJP yow nang e ki ya i kyrchaan iwa pura ya ka sein deiwa psiah dkhot ha ka seiñ kamjooh da khana u ya i thrang u PM Narendra Modi wa kat ha u snem 2022 waroh ki chong chnong ka Ri India toh u em ki ka Bank Account.

Da kyntu u ya waroh kitu ki wym em bank account khamtam ki kynthai yow wai noh ki ya ka Bank Account na ka PMJDY ka wym emkaam u thap poisa chwa ki, kamjooh toh u pynkrehkaam ki ya kani ka account kat iwa yoh ki hadien yow yoh myntoi ki na ka overdraft kawa u e ka bank kamwa 5000 tyngka kam ka ram.

Natloor ka tai ka scheme da batai haroh u ya kiwi kiwi ki scheme yong ka sorkar NDA kiwa da em kamwa 54 tylli ha kini ki ar snem chitein.

Ha kani ka sngi da em haroh ya i pynskhem ya u Rajiv Gympat kam u President ka Jowai Mandal Constituency. Ya u Biang Shylla kam u President ka Raliang Mandal Committee. Ya ka Isabella Pakma kam ka President ka sein Manbei ka West Jaintia Hills District. Kamjooh da yoh ya i pynkup burom ya ka Bianca Kyndiah Ka State President ka Seiñ Manbei ka BJP.

Ya ki kyntien e khublei da e da u Rajiv Gympat. Da em ka chad tynre na ki dhab na Mookyndeng wa i rwai na ki khynnah School ka St Paul Secondary School Mookaswan.