U Kyrmen Shylla, Montri ka chnat Social Welfare kamjooh u MLA ka 6-Khliehriat, ha ka 11 tarik uni u bnai da saam u ya 6 tylli ki Work Order ha ka chnong Bataw ha ka yalang wa da pynman ha Hall Bataw (Umlatyap), wei kini ki Work Order toh neibynta ki seiñ niam, ki skur, ki Club wa kamtæ ter ter.
Da pyn-ehnasib ya u Kyrmen Shylla na kiwa boon kam na u Skem Sumer, Assistant Waheh Chnong wei da emlang leh wa u Chairman chnong ka chnong Bataw wa kiwi kiwa kynthup ya u Martin Lyngdoh, u Mathew Pajat, u Shewani Sumer, u Klemen Pajat, u Tony Byrloi kiwa man kiwa kit wa bah ya ki kaam ka imlang sahlang ha ki kaam chnong kaam thaw ha ki kyrdan waphær waphær wei ya ka yalang da pynlai da Waheh Chnong warim, u Bhalang Suchiang
U Kyrmen Shylla da dep pynyoh u leh ya u sarok psiang hapoh chnong Bataw hei lut wa T. 1.68 klur, ka yung (Building) yong ka Bataw Nein Govt. L.P School ha i lut wa T. 37 lak, ka View Point ha chnong kawa T. 10 lak. Lyngba u Kyrmen Shylla da yoh leh ya ka Bataw PHC wa pura ha u snem 2020 deilang wa kiwi tawon ki Work Order wa da e u ha ki por wa da dep.
Neiliang u Kyrmen Shylla dap u dei sñiawkmen hadooh kattæ kattæ wow yoo wa kiwa chong chnong yong ka Bataw man ki ki bru wa sakhiat wei kiwa ye u chaniah, sñiaw tikna u leh wa kiwa boon wa lang daw jied ki ya oo dei maya neibynta ki kaam pynroi hapoh chnong Bataw wa kamjooh ya ka mynstep ka mankawi ka Constituency.
Khaddooh da ong u wa kam u bru ym ye u pyndep lut chi syndon waroh ki kaam kiwa da wan tyrwa wow leh tangwa kular u wow ya emlang chirup wa kiwa chong chnong heiwa u e chakri wa bha wow pyndep ya ki kaam wa dang sah lada u Blai dang yoo mon u jop kam uwa mihkhmat yong ki.
