Wai u Conrad ya ki sarok wa ka thaw pynkhooid um ha Garobadha

U Montri Rangbah ka jylla, u Conrad K Sangma, ynne da wai u chiboon ki kreh wa kynthup ya ka Water Treatment Plant ka Greater Garobadha Water Supply Scheme ka PHE, ka chna pynthymme namo ka Periodic Renewal of AMPT Road (ha i bynta 103rd Km-124th Km) hapoh ka Systematic Maintenance wa i chna pynku kyrdan (Upgradatation) u sakrok wa 11 Km Garobadha-Selsella-Balachanda Road wa 3 Km Ampt Road ha ka yalang wa man ha Garobadha Higher Secondary School. 

Kani ka Greater Gaobadha Water Supply Scheme daw pynmntoi ko ya 96 tylli ki chnong kiwa em 8995 tylli ki manyung kiwa em hapoh ka Rongram, Selsella, Betasing wa Rerapara C&RD Block.

Ha kani ka sngi da emlang u Tura Municipal Board Chairman, u J.D. Sangma, u Khadi & Village Industries Board Chairman u Subir Marak wa kiwi kiwi. 

U Conrad da lai pait u leh ya ka Water Treatment Plant ka Greater Garobadha WSS ha chnong Megonggre heipor wa lai u cha Selsella.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U Conrad hawa e i klam da ong u wa ha ki san snem wa dadep ka sorkar da kreh ko chiboon ki sarok ha kylleiñ ka jylla lyngba ki yarap poisa na ka sorkar pyrdi wa kiwi kiwi. 

Da ong u wa i chait i khiah, i seiñ kreh, i uiñke suwari daw myntoi bha ki nei em ki sarok deiwa e khublei ya ki sahep ka PWD wa chimkhia wow kreh ya kini ki sarok. 

Da ong u wa ka sarok Garobadha-Selsella man ko kawa emkaam bha neibhah wa ka sarok Garobadha-Tura toh u budloom i roi i paar hanla ka jylla da dap ko 50 tylli ki snem kini ki sarok da chah iehbeiñ ki. 

Chooh chooh u Conrad da yoo u wa ka chnat PHE man ko kawi na ki chnat wa emkaam wei kawa krehkaam bha neidaw wa ye ko u wanrah chiboon ki Scheme ha ka sorkar wa katni. 

Da ong u leh wa ka sorkar wa katni ymtoh u leh ko i jooh kam kiwi nachwa tangwa leh ko yeiwa rap phær ha kani ka kynti wow chakri ya ki paidbah. 

Ha kani ka sngi da booh mooyurim leh wow chna ya ka Multi-Facility Hall yong ka Manchak Integrated Village Cooperative Society (IVCS) ha Dengnakpara hapoh Rerapara C&RD Block ka South West Garo Hills heiwa da pynbna u T. 60 lak wow chna ya ka Multi-facility Hall wa T. 20 lak neibynta ka Ramie Cultivation Project ha ka thaaiñ hapoh i yahkhmat u Dr. Merril Sangma na ka chnat rep i riang ka jylla.