Ka WE Card waka MYE Card ka TMC toh ki ‘Baki Card’: Conrad

U Montri Rangbah ka jylla, u Conrad Kongal Sangma da ong u wa ka WE Card waka MYE Card yong ka Trinamool Congress toh ka ‘Baki Card’ namo ka Card sah ram, wei kiwa boon leh kiwa da pynpsiah pyrtuid, tangwa da ong won u wa waroh ki seiñ saaiñpyrthai em ki ka hok wow kular.

U Conrad da ong u wa i yaphær hapyrdi i kular ka TMC wa kani ka sorkar toh wa ka sorkar MDA da pynyoo ko da ki kaam wei ym toh da ka ‘Baki Card’ neibhah kani ka sorkar da kreh ko dei kaam deiwa kyrchaan ya ki warep, ki Self Help Group wa ya ki khynroo khyllood nadooh chwa wow kular iyi iyi. Da ong u wa ka FOCUS waka FOCUS Plus toh kawa da e myntoi cha palat 3 lak ngut ki warep ha ka jylla.

U Conrad da ong chooh chooh u wow pynbaad wa ka FOCUS toh ka pynbiej Election toh ka wym yahaap neibhah da sdang ya ka FOCUS nadooh u Wisu (Mar) yong u snem 2021, wei ye u man wa neibynta kiwa pynbaad ye ki wow klam katwa sñiaw biang ki.

Hajrong i pynbaad wa da e leh ya ka FOCUS cha ki thaw sor, u Conrad da ong u wa kani ka Scheme toh neibynta wow pynmyntoi ya kiwa dooh kiwa em ha ka imlang sahlang wei ya kitu waroh kiwa kreh yow pynmih yei yong ki hi kam ki warep, kiwa thaiñ that, kiwa chna ya ki tiar ki tar, kiwa chna umsoh wa kiwi kiwi kam i kyrchaan neibynta ka kynhun kawa em ki.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Hawa kylli hajrong ka PM Kisan kawa toh ka Scheme yong ka sorkar pyrdi wei hajrong i pynbaad wa ka sorkar wa yahkhmat da ka NPP da pynkylla pyrtuid ko ya Scheme yong ka sorkar pyrdi, u Conrad da ong u wa ka PM Kisan toh ka yong ka sorkar India wei ka FOCUS toh ka yong ka sorkar jylla wei kini waroh ar toh ki jar jiar ki Scheme.

Da ong u wa ka jylla da pynkrehkaam ko yaka PM Kisan wei kamwa 1 lak ngut ki warep ka jylla da yoh myntoi ki na ka PM Kisan, tangwa i eh wow pynkrehkaam ya kani ka Scheme yong ka sorkar pyrdi toh neidaw wa ka sorkar India paan ko ya ki kot thaw yong ki warep, wei hapoh ka jylla kiwa boon ki warep toh kiwa rep hi-eh kamtu ha ki thaw wa chim wai lane ki thaw yong ka chnong wei ym em ya ki dulir thaw kam ki tre, wei ym yoh ki ya kani ka Scheme neibhah ym yahaap wa ki kyndon wa da booh wow yoh ya ka PM Kisan, iwa da pynman wa duna hei pynkrehkaam ya kani ka Scheme.