Hadien wa pynbna ka Election Commission of India ya ki tarik pynman Election MLA heiwa ka sngi thap Vote u man ko ha ka 27 tarik u Thohlakhmi, kamtæ ka Model Code of Conduct leh da man ko kawa da krehkaam.
Neiliang u District Magistrate ka East Khasi Hills uwa man leh kam u District Election Officer da pyntip u wa da em kiwa thmu wow pynman ya ki yakhih wa har rukom kam i chah thngan, i lai paidbah wa kiwi kiwi hapoh ka District.
Wei lada pynman ya kini ki jait yakhih daw ktah i ya i chongsuk kamjooh leh ye u dooh mynsien bru wei i chah ktah ki yung ki sem wa ki thaw ki bhaw iwa daw ktah kylla yei pynman Election.
Kamtæ neiliang u District Magistrate deiwa pynkrehkaam u ya ka Section 144 CrPC, da khang u wow pynman ya kam kini ki jait yakhih lada ki bru samen næ ki seiñ hapoh ka District.
Kani ka hukum da man ko kawa da krehkaam nadooh wa pynmih ya ka.
