Ka Loompyrdi Iongpiah, Jowai hadien wa da ngam yillu bha ko yei man i long heiyatoh wa i yalap Election ki kyrtong cha ka General Election yong ka Meghalaya Legislative Assembly na ki por cha ki por nadooh i khooid i jngiar, i khynñia i khynrah wa kiwi kiwi ki bynta kiwa ktah ya ka chnong wa ya ki kyrtong hi leh kamjooh.
Kamtæ ka Executive Committee ka wa da chong ha ka 6 tarik uni u bnai da rai ko wa kiwon kiwon ki kyrtong ki wow wan cha ka chnong Loompyrdi Iongpiah neibynta wow pynsñiaw ya ka yurim wa yieñ yaleh ki ha kani ka Election ka wow man myntu u snem 2023 toh u wan ki du hapoh 10 ngut donhi.
Ya ini i pyrkhat da rai hajrong ka yurim wow yohlaad ki khon ka chnong u ap ya ki thong wa ki yurim yong ki kyrtong kawa yieñ yaleh ki, khnang wa kiwa ap yow yoh won ki u pyrkhat u sylli chei yi u e ki ya ka Vote kawa kordor ka yong ki.
Kani toh katkam ka Wyrta na u General Secretary, ka Loompyrdi Iongpiah, Jowai.
