Neidaw wa daw pynman ya ka Election Meghalaya Legislative Assembly, u District Magistrate ka West Jaiñtia Hills da phah u ya waroh kiwa ksoh License tiar siat (Arms License Holder) wow e kti ya ki tiar siat wa ki kuli chirup wa ki Xerox Copy yong ka License khlem pep cha ki Police Station namo ki Outpost wei daw pynuiñ biang ya ki hadien ka Election.
Ka hukum da khang ko leh wow rah tiar siat wei ym krehkaam ko ya ki pulit kamjooh ya ki chipai pulit (Paramilitary Force) kiwa pyndep yei kaamram yong ki.
Kiwa ym bood ya kini ki hukum daw pynchitom katkam ka kyndon U/S 25 1B, (b) kawa ong wa lada ym e kti ya ki tiar siat katkam ka Sub Section (1) yong ka Section 21 kawa ong wa daw chah kset ym duna ya chi snem hadooh le snem kamjooh wa ka kuna.
