Ha ka 21 tarik uni u bnai ka Kur Langshiang Unit hapoh ka chnong Mookjat, West Jaiñtia Hills da yoh ko wow pynman yaka yalang ka kur deiwa emlang ki dkhot ka kur na ki soo tylli ki chnong kitæ ka Umladang, Mookbu, Thadmynri, Mookjat.
Da ya emlang leh ha kani ka yalang kur wa kiwa kitkaam kamjooh da synran lang da ki waheh ka kur nadooh u Stel Langshiang, u Jerly Langshiang, u Pynshngain Langshiang, u Kwelmon Langshiang, Chairman, ka Banteikhambha Langshiang, Secretary waka Iohlang Langshiang, Treasurer.
Da yoh leh i pynsñiaw yei lai luti kam ka kur Langshiang kawa da roi hadooh 42 yung ha kani ka Unit.
Da khana leh ya ki kaam wa da ye u pyndep kiwa da jop yong ka Unit kamjooh wow kyntu kynpham ya ka kur Langshiang wa em kylleiñ soodong hapoh ka Ri-loom Khasi Jaiñtia wow pyrchang u yatylli kawi donhi kam ka kur yow nang heh nangsan hei lai luti yong ka kam kawi donhi.
