Ka Ramakrishna Mission Sohra haka 21 tarik uni u bnai da pteiñ biang ko yei e yarap ya kiwa chong chnong ka Thadmuthlong C Phramer wa ki parajan chnong.
Ha katai ka sngi da yoh u e yarap ya kamwa 170 ngut kiwa chong chnong da ki kymmor heiwa neiliang u Waheh Chnong, u Yoowanphi Lyngdoh da pynsñiaw u yei mynsein wa kmen khamtam ya ka Ramakrishna Mission kawa da wan e yarap cha ka chnong deiwa em i sñiawkhia wa i mynsien chakri.
Da e khublei u leh khamtam ya u Secretary yong ka Ramakrishna Mission wa kamjooh kyrpang kyrpang ya u Manbha Lyngdoh uwa da yahkhmat na ki por cha ki por yaka Mission wow yarap ya ki bru wa dooh wa duk.
Neiliang won u Fasterwel Lyngdoh da ong u wa i kaam yong ka Mission toh wow chakri neibynta ki bru ym du wow saam yarap tangwa da em leh ki skur wa ki Hospital neibynta ki bru wa dooh wa duk.
U Manbha Lyngdoh da ong u wa ymtoh wow sñiawthooh bakla ki bru khamtam ha ini i por wa em ka Election neibhah kani ka Mission toh kawa e yarap ya waroh khlem da ñiaw chilliang. Da ong u leh wa kani ym toh ka Scheme sorkar næ ka Scheme MLA næ MDC wei kani toh ka yarap neiliang yong ka Ramakrishna Mission donhi.
Da yoh leh yei klam na kiwi tawon ki waheh kiwa da e khublei kitbok kitrwiang ya ka Ramakrishna Mission Sohra wow nang e chooh chooh ko yei yarap cha kiwi tawon ki chnong ki thaw.
