Ynnin ka 21 tarik kawa man leh kam ka lyngkhooh dap 51 snem ka jylla Meghalaya Day, ka East Jaiñtia Hills da yoh ko ya ka kor Ultrasound Machine wa nyngkong dooh. Ya kani ka kor toh kawa da pynyoh da ki bor District neibynta ka Khliehriat Civil Hospital kam chibynta ka Corporate Social Responsibility ka North East Transmission Company Limited (NETC).
Kani ka kor wa chongdor T. 20 lak daw yarap ko wow e chakri ya ki paidbah ka District kiwa da hap wow lai cha kiwi ki District wow leh ya ini i kaam wa khian leh.
Ha ka yalang khian wow wai ya kani ka kor wa da leh da u DC ka District u A. Baranwal da emlang leh kiwa mihkhmat na ka NETC wa kynthup ya u NR Singh, u A. Singh, SDO Sadar, u J. Shylla, ADC Health wa u Dr. D. Shylla, DMHO.
Kani ka thaw sumaar ha Khliehriat toh kawa dang dep pynku kyrdan kattu da jan dap chi snem kawa tip leh kam ka 100 Bedded Civil Hospital kawa man nachwa kam ka Community Health Centre, da mih boon i ood wa da man ko kam ka Hospital du hei pyrtuid donhi deiwa dang em boon ki duna nadooh ki kor, ka Laboratory wa kamjooh ki thaw thiah.
Puræ leh: Chem ka HITO wym em 100 tylli ki palong kamwa da mang ha Civil Hospital ka Khliehriat
