Ka Dorbar Chnong Dulong, Jowai kam chibynta wow pynneh pynsah ya i chongsuk chongsaiñ wa i khooid i jngiar hapoh ka chnong ka thaw ha i por Election, da rai ko wow booh wei wow pynbna paidbah ya ki kyndon neibynta ka Election MLA 2023.
Kini ki kyndon man ki kamni ha wah:
Ka Dorbar Chnong da rai ko wa waroh ki yalang (Meeting) yalap Election yong ki kyrtong hapoh ka chnong u pynlai da ka Dorbar Chnong.
U kyrtong u chah u yah u san ngut donhi kiwa kyrchaan ya oo kiwa na baar ka chnong Dulong heipor wa wan pynman yalang hapoh ka chnong.
U chah u klam u kyrtong wa ar ngut donhi kiwa bood ya oo heipor wa man yalang.
Ym chah ya uwon uwon u khon yong ka Dorbar Chnong u yieñ rynsan u ya kiwon kiwon ki kyrtong heipor wa man yalang.
Da khang pyrchah ya kiwon kiwon kiwa na baar ka chnong Dulong u wan ki cha ka yalang u kyrtong hapoh ka chnong lait noh ki san ngut kiwa da jied u kyrtong.
Da khang pyrchah wow saam poisa cha kiwa chong chnong neibynta wow yoh Vote heipor Election.
Da khang pyrchah ya kiwon kiwon ki kari kiwa lai wa wan hapoh chnong wow pynheh sur Election yong ki kyrtong namo ya kiwi tawon ki jait sur wei wow ya chaad cha wah cha neiñ hapoh chnong khnang yow lait u pynwit ya ki khynnah kiwa dang pynkhreh ya ki Exam waphær waphær.
Da khang pyrchah ya ki kyrtong namo kiwa kyrchaan wow psiah lai yalap chapoh yung ki bru hapoh ka chnong ka thaw palat yei por 10:00 waje i miet.
Da khang pyrchah leh ya kiwon kiwon ki kari kiwa lai yalang Election cha ki chnong wa marjan wow pynyieñ kari ki hapoh u pood ka Dorbar Chnong.
Ka Dorbar Chnong Dulong, Jowai kyntu ko leh ya waroh wow sñiawbha u ya krehlang wa ka chnong deiwa bood ryntih ya ki kyndon kiwa da booh da ka chnong khnang wa i thmu yong ka chnong wow wanrah ya i chongsuk chongsaiñ hapoh ka chnong u man iwa jop.
Kiwon kiwon kiwa leh pyrchah ya kini kyndon, ka Dorbar Chnong ym yohsa ko u pynchitom ya ki katkaam ki aiñ chnong wei wow e kti ya kiwa leh pyrchah cha ki bor yong ka aiñ sorkar.
