U Deputy Commissioner (Election), East Jaiñtia Hills District, Khliehriat da pyntip paidbah u neibynta ka Election Meghalaya Legislative Assembly na 5- Sutnga Saipung (ST) Assembly Constituency kiwa yatoh wa ki tarik wa emkaam neibynta ki kyrtong ka 5-Sutnga Saipung Constituency.
Ka sngi wow thap pyrtuid ki kyrtong namo da kiwa tyrwa pyrtuid ya ki ye wow leh deiwa e ya ki kot ki sla ha u J. Shylla, Returning Officer namo ha u R. Brahma, Assistant Returning Officer, ha Room No. 242 ka yung krehkaam u Deputy Commissioner, East Jaiñtia Hills District hapyrdi 11:00 waje i step hadooh 3:00 waje i sngi wei ymtoh hadien ka 3:00 waje ka 7 tarik uni u bnai wei ya ki Form ye u chim na kini ki jooh ki sahep ha i por wa da booh.
U sylli ya ki kot namo ka Scrutiny u man ko ha Room No. 225, Conference Hall ka yung krehkaam u Deputy Commissioner ha ka 8 tarik uni u bnai heipor 11:00 waje i step.
Ki kyrtong kiwa kwah u randien ye ki namo kiwa tyrwa pyrtuid u leh neibynta yong ki deiwa yoh ya ka kot wa da soi da u kyrtong deiwa lai e ha kini ki sahep wa da kdaw haneiñ chwa ka 3:00 waje ka 10 tarik uni u bnai.
Ka sngi wow thap vote toh ha ka 27 tarik uni u bnai nadooh 07:00 waje i step hadooh 4:00 waje i janmiet.
