Jowai : Ka yalehke bol wa mar soo ngut chiliang kawa pynman hei miet ka wa tip kam ka 1st Evening Super 4 Football Tournament wa sdang da ka Sports and Youth Affairs Committee Chutwakhu Social Welfare Local Dorbar, Jowai da pynman biang ar tylli ki yalehke.
Ynnin ka 1 tarik da em ar tylli ki yalehke heipor 6 waje i miet ha pyrdi ka Na-Me & Rido FC Vs. 4 G FC pynbood sa ka 4th Power FC Vs. Lamlynti United FC heipor 7:30 i miet.
Ha ka yalehke wa nyngkong ka 4 G da jop da 3-1 lyngba ki kool wa thap u Earlyborn Lyngdoh ha ka minit wa 39 wa 59 wa u Hamehiwot Majaw ha ka minit wa 42. Katwa ya ka kool ka Na-Me & Rido FC da thap bakla (Own Goal) u Hamehiwot Majaw ha ka minit wa 30.
Ka yalehke wa bood won, ka Lamlynti United FC da jop ko da 5-1. Ya ki kool da thap da u Lamshai Siangshai ha ka minit wa 4,52,53 u Bankini Lamare ha ka minit wa 48 wa u Rangsan Shylla ha ka minit wa 57.
Neiliang ka 4th Power da thap u Clinton Suchiang ha ka minit wa 4.
Discussion about this post