Ka yung krehkaam ka District Tuberculosis Officer, Jaiñtia Hills District ynnin ka sngi da saam marbaam ko cha kiwa dang chah sumaar nei kjut TB ha Ummulong CHC, West Jaintia Hills District deiwa kyrchaan ka Dalmia Bharat Foundation.
Neiliang ka District Tuberculosis Officer, ka Dr. EBV Laloo da pyntip ko wa ka Pradhan Mantri TB Mukt Bharat Abhiyan (PMTBMBA) toh ka thong wa dang thymme kawa da sdang ha ka 09-09-22 yow pynchlur ya ki bru samen, ki seiñ wow wan ki chakhmat yow wan jied ya uwi wa kjut TB deiwa kyrchaan da ki baam wa tei yei doh i pran wei da khana ko leh ya ki dak ki chin wa mih lada yoh kjut TB.
Hajrong ini, ka Dalmia Bharat Foundation da wan ko chakhmat yow kyrchaan ya 50 ngut kiwa yoh TB ha West Jaiñtia Hills District kiwa 25 ngut na Thadlaskein Block kiwa da yoh yarap ynnin kiwa chah sumaar hapoh ka NTEP katwa kiwi ki 25 ngut kiwa na Laskein Block daw e yarap won hadien.
