Chongchit ka pynskem Unit u Sniawbhalang Dhar ha chnong Lapangap

Ka yalang pynskem Unit wa pynman da kiwa kyrchaan ka NPP ha ka 31 tarik u Duyatra (Jan) ha ka chnong Lapangap da man ko kawa chongchit bha heiwa 600 ngut kiwa kitkaam ka NPP da wan ki ha kani ka yalang heiwa da emlang u kyrtong ka NPP u Sniawbhalang Dhar.

Ha kani ka yalang da yoh yei klam pdiang da u Waheh Chnong ka Lapangap, u Deimon Lyngdoh uwa da yaroh yei kaam wa u Sniawbhalang Dhar da leh u wa ki kaam pynroi wa da wanrah u hapoh chnong poh thaw.

Da ong u leh wa ki kam kiwa chong chnong wa haap cha thaaiñ khappood da maad ki chiboon i eh tangwa nadooh wa yoh ki ya uni u MLA, da ye u wow pynlait ya chiboon i eh nadooh u sarok uwa man u boodloom wa ye u wanrah chiboon i myntoi. Wei na ini daw wa kiwa chong chnong da yoo jngai ki yeiwa lehbha uni u MLA wei da iwi i sur da rai ki wow su kylliang yei lehbha u Sniawbhalang Dhar ya ki wow e ki yei kyrchaan wa pura ya oo ha kani ka Election 2023.

Da yoh leh yei klam na u Sniawbhalang Dhar uwa da yaroh ya ka chnong Lapangap deiwa ong wym mutdur u wow poi kiwa kitkaam ya oo hadooh kat deini sang. Nyngkong da e khublei u ya kiwa yahkhmat chnong kamjooh kiwi kiwa yahkhmat yong oo wa dei ya kreh chitom yong ki da man kani ka yalang kawa chongchit.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh wa nadooh wa man u kam MLA ha kani ka Constituency chiboon ki kaam pynroi da wanrah u ha kani ka chnong kamwa kular u ha u 2018 wa yoo jynjar kiwa chong chnong u lai u wan wa sih ware u sarok wei da booh u i kular wa lada jop u ya ka Election u pynyoh u ya ki sarok psiang, wei yeini leh da leh u.

“Boonsien jooh beiñ ki bru nga wa lada jop O ya ka Election 2018 daw khang yungmane O tangwa yow tip phi wa nadooh wa jop O ym em u MLA wa e yarap chna yungmane kamwa e O hapoh ka Constituency O waroh,” da ong u Sniawbhalang.

Kamtæ da ong u wa ngait skem u wa kiwa kyrchaan yong oo hapoh ka 1-Nartiang Constituency rap stat ki u jied ya uwa mihkmat, ngait skem u wa daw pynjop emburom ki ya oo ha kani ka Election kamwa da leh ki ha ka Election wa dep khnang wow ye chooh chooh u wanrah yei myntoi hapoh ka chnong ka thaw.

Da emlang leh ha kani ka sngi wa u MDC ka Nongjngi, u Eveningstar Teron, ki waheh ka chnong Nartiang, u MDC ka Moodymmai, u Jesse Suiam, u CEM ka JHADC u Thombor Shiwat wa u Waheh Chnong ka chnong ka Namdong-B.