Ka Hill State People’s Democratic Party (HSPDP) da pynlait ko ya ki kular krehkaam neibynta kani ka Election MLA 2023, wei ha ka kular Election da booh ya ki phang wow yada ya ki tre chnong wei kamjooh ya ka khyndaw wa u chyiap.
Katkam i ong u KP Pangniang uwa man leh u President ka Party, ki phang krehkaam wa ka Party da booh lada yohlaad wow chna sorkar toh wow wanrah ya ka saiñhima kawa khooid wa ki laad yoh kaam ya ki khynroo, u lai chakhmat wow dawa ya ka jylla Khasi-Jaiñtia, ym chah wow tih Uranium wei wym e laad ya ka luti rel lada ym pu biang ki laad yada ya ki tre chnong nei chah tlep wa i pynkrehkaam ya ka Inner Line Permit najrong kiwi kiwi.
Neiliang ka HSPDP da pynbna ko leh ya 4 ngut ki kyrtong wa kynthup ya u Martle N Mukhim na Mawkynrew, u Wyraiwan Sohtun na Mawryngkneng, u Sandor Ryntathiang na Sohïong u wow yakhun pyrchah ya u kyrtong ka NPP uwa da yut noh na ka HSPDP hadien wa da man MLA u na ka HSPDP wa u Starfing Jove Langpem Pdah Ka Siej na Mawsynram Constituency.
Kamwa man hadooh katni, ka HSPDP toh ka seiñ ri-loom kawa da rim tam ha ka jylla wei da dep ko wow pynbna 11 ngut ki kyrtong wow yakhun ha kani ka Election 2023.
