Kiwa pynbaad ya ka MDA kwah ki wow pynkulmar lada em sabut toh u e cha ka aiñ: Prestone

U National Vice President ka National People’s Party (NPP), u Prestone Tyngsong da ong u wa ka NPP daw booddien biang ko ya ki rai namo ki Resolution wa da mynjur hapoh ka Yung Dorbar Chna Aiñ ka jylla, kiwa kynthup ya i dawa wow pynkrehkaam noh ya ka Inner Line Permit (ILP) wei wow pynpsiah ya ka ktien Khasi wa Garo hapoh ka 8^th Schedule yong ka riti synchaar ka ri India.

Da ong u wa kini ki mat da booh kular leh ha ka thong krehkaam namo ka Manifesto ka seiñ, wei mar ya dep jied biang ki paidbah, ka NPP daw booddien ko ki.

Hawa kylli hajrong ka All India Trinamool Congress (AITC) kawa da kular Election wow pyndam noh ya ka soskular pynbait pood manda wan ko hei bor, neiliang u Prestone da ong u wa i kwah ka Trinamool Congress pynyoo ko yei wym mano ko ya ini i kaam wa sahteiñ wei ki paidbah leh daw jubab hi ki.

Hajrong ki chah pynbaad ka sorkar Meghalaya Democratic Alliance (MDA) wa yahkhmat da ka NPP, u Prestone da ong u wa kiwon kiwon ki bru leh ye ki wow pynbaad wow pynkulmar ya ki paidbah tangwa lada em sakhiat ki sabut weileh ym e kti ki ha ka aiñ.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong u wa ka sorkar wa yahkhmat ka NPP da pyrchang ko wow leh chiboon ki kaam neibynta wow pynman kaam yeiwa angnood ki paidbah.