Hei miet ka 9 tarik, ka Dorbar Chnong Khimmusniang, Jowai da pynman ko ya ka yañia hapyrdi ki 5 ngut ki kyrtong ka 2-Jowai Constituency kiwa yakhun ya ka Election MLA 2023 heiwa ya ini i pynyoo ñia da tip kam ka Common Platform Election Campaign ya kawa da pynman ha pchem ka Indoor Sports Hall ka chnong.
Ha kani ka miet da yoh ya ki kyntien pdiang burom na u Asst. Waheh Chnong ka Khimmusniang, u James M Pohshngap.
Kam wow pynkynmoo heini wa ka Dorbar Chnong Khimmusniang da pynman ko ya kam kani ka rynsan wow pynyoo ñia ha ka Election MDC ha u snem 2019.
Ha uni u snem, neiliang ka chnong da pynman ko ya kani ka Common Platform deiwa pynkhle nasib chwa yow jied kiwon wow klam nyngkong, wa ar, wa le kamtæ ter ter heiwa nyngkong da klam u kyrtong ka UDP u Moonlight Pariat, pynbood sa u kyrtong ka BJP u Allan K Suchiang, wa le da klam da u kyrtong ka TMC u Awhai Andrew Shullai, wa soo u kyrtong ka NPP, u Wailadmiki Shylla wei da pynkut da u kyrtong ka Congress, u Daniel Dan.
Ha kani ka rynsan da chah wow klam ki kyrtong 30 minit samen wei heipor 25 minit da pynkhyrngiat namo da e ya ka Warning chwa wow kut ka 30 minit.
Ya ki nia wa ki yurim wa kini ki 5 ngut ki kyrtong da pynsñiaw ki, ye phi wow pait ha ini i Video ha wah:
