Katkam wa da phah da ka Election Commission of India, ka yung krehkaam u District Election Officer, West Jaiñtia Hills District da pyntip u cha kiwa da man kam kiwa thap Vote yow yarap ya ki ha ka sngi thap Vote ha ka 27 tarik uni u bnai.
Kamwa jooh leh hi, waroh kiwa thap Vote ha waroh ki Constituency hap ki wow pynyoo ya ka Elector Photo Identity Card (EPIC) heipor wa poi ki cha ka Polling Station chwa wow thap Vote ki.
Lada jia wym chem de ya ka EPIC lane wa mylliñ u rah ka, ye wow pynyoo da kini ki kot ki sla ha wah:
Aadhaar Card
MGNREGA Job Card
Passbook wa emlang wa i dur wa yoh na ka Bank lane Post Office
Health Insurance Smart Card wa da e hapoh ki Scheme ka Ministry of Labour
Driving License
PAN Card
Smart Card wa e da ka Registrar General of India (RGI) hapoh ka National Population Register (NPR).
Indian Passport
Ka kot Pension wa emlang wa i dur
Ka ID kreh ya kiwa kreh sorkar jylla lane sorkar pyrdi wa kiwa kreh ha ki Company ka sorkar pyrdi.
Ka ID wa e da ki MP, MLA/MLC wa ki Unique Disability 10 (UDID) Card wa e da ka Ministry of Social Justice & Empowerment ka sorkar India.
Lada em i bakla ha ka EPIC ym toh u boh hawa ye u pyntikna wa toh sakhiat u bru. Lada em kiwa rah ya ka EPIC wa pynmih da ka Electoral Registration Officer yong kawi tawon ka Assembly Constituency, ya kini leh toh u pdiang lada em i pyrtuid ki hapoh ka Electoral Roll yong ka Polling Station wa da wan ki u thap Vote.
Lada ym ye wow pyntikna yei dur uwa thap Vote neidaw wym biang i dur wa em ha ka EPIC, ye wow pait ha ki ID wa da kdaw haneiñ.
Kiwa thap Vote wa sah cha baar ri hap ki wow pynyoo ya ka Indian Passport yong ki.
Yow suk u tip kiwa thap Vote ya ki Serial Number ha ki Polling Station, kamjooh ka tarik wei por wa kiwi kiwi de. Daw saam ya ki Voter Information Slip 5 sngi chwa ka sngi thap Vote cha waroh kiwa thap Vote da ki District Election Officer. Tangwa kini ki Voter Information Slip ym toh wow pynsakhiat ya kiwa thap Vote namo ki wow pynman kam ki ID kiwa thap Vote.
Da kyntu ya kiwa thap Vote wow ya mih ki deiwa boon ha ka 27 tarik yow pynemkaam ya ka hok ka muhor ksiar yong ki ha kani ka kaam synchaar paidbah.
