Jowai : Ka yalehke Quarter Final wa nyngkong yong ka 2nd Division da pynman ynne ka sngi ha pyrdi ka Khliehiongriang wa ka Lumiawmuchai Shangpung heiwa ka Lumiawmuchai da jop ko 1-0.
Ka kylla step da kut ko khlem em wa thap kool katwa ha ka kylla miet won ha ka minit wa 47 ka Lumiawmuchai da yoh ko u thap chi kool wa pynjop ya ka lyngba u Raplangki Chullet.
Ha ka yalehke Super Division won da pynman ha pyrdi ka Chutwakhu wa ka Shangpung Moosyiem heiwa ka Chutwakhu da jop ko da 3-1.
Ya ki kool ka Chutwakhu da thap da u Armonado Shullai ha ka minit wa 22, u Hoping Thubru ha ka minit wa 51 wa u Briwan Nongrum ha ka minit wa 53.
Ya ka kool ka Shangpung Moosyiem won da thap da u Roimiki Langstang ha ka minit wa 71.
Na ini i jop, ka Chutwakhu da yoh ko u psiah cha ka Semi Final katwa ka Moosyiem won da hiar kyrdan ko cha ka 1st Division.
Discussion about this post