Kam ka dak wow wanrah yei khooid yei suba wow jied ya kiwa mihkhmat ha kani ka Election MLA 2023, neiliang ka Dorbar Chnong Lumputhoi ha ka yalang paidbah (General Meeting) yong ka kawa da pynman ynne ka sngi da kawi ka yumut da rai wa ym chah ya kiwon kiwon ki bru wa na baar chnong wow wan psiah yung yalap Election hapoh ka chnong ka thaw wei leh hapoh u pood u ang yong ka chnong ka thaw hi waroh kawi.
Lada chem ya kiwon kiwon ki bru wa leh pyrchah næ wa tyngkheiñ ya kani ka rai ka Dorbar Chnong Lumputhoi, u pynchitom ko ya ki katkaam ka aiñ chnong.
Da khang pyrchah leh wow wan saam poisa hapoh ka chnong ka thaw kawa ye u wanrah yei awri awra, kawa pynsihdur ya ka chnong ka thaw.
Ym chah leh ya ki bru wa na baar ka chnong wow wan tem sur, pynheh sur hapoh ka chnong ka thaw.
Kiwon kiwon kiwa leh pyrchah daw hap ki wow su ya ka kuna wa T. 20,000.
Chooh chooh da khang pyrchah ya kiwa kyrchaan yong kiwon kiwon ki kyyrtong wa pynman yalang Election Campaign wow dai kiad, dih kiad, noh jhep hapoh ka chnong ka thaw wa kiwi kiwi ki kaam wa pynsihdur ya ka chnong ka thaw waroh kawi. Lada chem ya kiwa leh pyrchah daw hap ki wow su ya ka kuna kawa T. 5000.
Kamtæ da kyrpaad joor ya waroh lang wow sñiawbha phi u ya krehlang khnang yow man ka chnong ka thaw kawa chongsuk chongsaaiñ kawa lait nei huri hura.
Lada chem ya kiwa pyrchah u sñiawbha ki wow pyntip deiwa Phone ha kini ki Number ha wah:
U Saian Lyngdoh, Waheh Shnong (Ph No. 7627971975), u Shimphang Lyngdoh/President VDP (Ph. No. 8837371771), u Kermiki Lyngdoh, Secy. VDP (Ph. No.7005833483), u Kular Lyngdoh, Asst. Waheh Chnong (Ph. No.8787856630) wa u Eni Lyngdoh Adviser VDP (Ph. No. 6009038650).
