Neiliang ka Dorbar Chnong Lumshken da pyntip ko cha ki paidbah wa chong chnong yong ka 6-Khliehriat Constituency, East Jaiñtia Hills District wa ka chnong Lumshken da khang pyrchah ko ya kiwon kiwon kiwa yahkhmat ki Political Party waphær waphær wow wan yalap Election (Canvas Election) hapoh ka chnong Lumshken nadooh ka 12-02-23 lait noh ha ka sngi wa pynman ya ka yalap Election hapoh ka chnong.
Ha kiwi won ki sngi wa ym em pynman yalap Election tangwa emkaam u kyrtong u psiah chapoh ka chnong, u chah wow wan u deilang wa uwa yah kari, du kawi ka kari wa ki bru wa em hapoh kani donhi ka kari kiwa boon ya uni u kyrtong.
Lada ka chnong Lumshken chem ko ya kiwa yahkhmat namo ki Leader yong kiwon kiwon ki Party, daw pynchitom ko katkam ka aiñ wa da booh ka chnong Lumshken.
Heiyatoh won wa ka sngi wa u kyrtong wan u yow pynman ya ka yalang yalap Election, ka chnong Lumshken chah ko wow leh kamwa jooh leh nachwa tangwa mar ya kut ka yalang hap mih wot napoh ka chnong.
Da khang pyrchah leh wym hoi u tem pyneh sur palatpood hapoh chnong wei kini ki kyndon u krehkaam ki hadooh wa kut ka Election MLA yong u snem 2023.
