Lyngba ki Street Play e sikai ki khynnah ya ki paidbah ya ki laad ki luti wow yoh yei hok yong ki

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Jowai : Ka District Legal Services Authority, West Jaiñtia Hills District ynnin ka 2 tarik wa ynne ka 3 tarik da pynman ki yaka yalehke tbian namo ki Street Play ha ki kattu katni ki thaw kam chibynta ka “Door to Door Legal Services Campaign” kawa pynman ha kylleiñ ka jylla.

Ka thong yong kani ka campaign toh wow pyntip ya ki paidbah chaphang ki laad wow yoh yei hok yong ki lyngba ki yung bichaar, wa em hapoh ka jylla wa ka ri. Wei da psiah cha yung ki bru yow pyntip yei hok ki paidbah da ki dkhot ka Meghalaya State Legal Services Authority (MSLSA) wa ka District Legal Services Authority.

Ha ki lehke tbian da leh da ki khynnah puræ ka Thomas Jones Synod College Jowai da ki khynnah ka Theater Group kiwa da jied na ka District Legal Services Authority wow man kam ki volunteer.

Ha kini ki sngi neiliang ka District Legal Services Authority da emlang u ma R. Hing uwa man u Muktiar wa ki wa krehlang wa oo.

Ya ka lehke tbian wa nyngkong yong ka sngi 2 tarik da pynman ha pchem ka Jowai Civil Hospital Ialong heiwa ha kani ka yalehke da pynyoo wa em kawi ka khynnah wa chah slaitbor ko pyn how Pa ko, wei ym nood ko u khana yeiyi yeiyi leh, kamtæ hadien 3 snem wa yoo ki lok ko wa sñiawsih ko, da kylli ki na ka wei da phla ko ha ki, wei da yah luti ki ya ka yow yoh ko yei hok deiwa lai cha ki bor ka aiñ.

Haka lehke wa ar wa pynman ha Lad Kiang Nangbah Govt. College Jowai heiwa da pynyoo ya ka wi ka manbei kawa cha lehbeiñ ha u kurim yong ka liang wa nang wei wow dat wow mai u ka man ka sngi, hadien wa chem u sampun ko yeini da li ujor ki cha ki pulit.

Kamtæ i sneiñ yong kini ki lehke tbian, klam ko wa ymhoi u kset i du ha i hi samen lada chem i iwon iwon i chah lehbor, emkaam u mih i chakhmat u khana ha kiwa ha yung ki lok kamjooh u yow lai ujor cha ki bor ka aiñ yow yoh i yei hok.

Ymtoh u ong wym yoh poisa, wa man i kiwa dooh wa duk neibhah da em u Legal Aid Officer wa da thung khnang ka sorkar wow ya sait u yei hok yong i.

Ya kini ki ar tylli ki Street Play leh da pynman ynne ka 3 tarik ha Iaw Thymme, Ladthadlaboh wa ha Iawmusiang, Jowai.