Jop ka Lynx wa ka USTR BZ ha ka Super 4 Football Tournament

Jowai : Ki yalehke wa ar tylli yong ka 1^st Evening Super 4 Football Tournament 2016 ynnin ka 2 tarik da pynman ha pyrdi ka Lynx  wa ka War United FC heipor 6 waje i miet wei da pynbood won sa ka Jesmine FC pyrchah ya ka USTR BZ.

Ha ka yalehke wa nyngkong ka Lynx da jop ko ya ka War United da 5-3. Ka Lynx mar ya sdang ka yalehke thap kool wot ko na u Leriwell War ha ka minit wa nyngkong, wei da pynbood le tylli ki kool na u Chandmitre Laloo ha ka minit wa 9,12,15 wa sa chi kool na u Mebankerlang Shullai ha ka minit wa 11.

Ka War United ya ki le tylli ki kool wa ye ki u thap, ar tylli toh kiwa thap da u Banshai Lathong ha ka minit wa 33 wa 59 wa u Tedy Bang ha ka minit wa 21.

Related posts

Yoh u Phrangki Buam yei naam Most Valuable Player ha ka Indian Football League 2025-26

May 25, 2026

Yoh ki ar ngut kiwa na East Jaiñtia Hills yei naam Best Athlete ha ka State Level Inter-School Meet 2026

May 24, 2026

Ha ka yaleh wa bood ha pyrdi ka USTR BZ wa ka Jesmine FC ka USTR da jop ko da 6-5. Ha kani ka yalehke ki kool da thap hadooh ka minit wa khaddooh ka yalehke.

Ha ka minit wa nyngkong ka USTR da yoh ko u thap kool nyngkong lyngba u Moses Chyrmang wei da thap biang u ha ka minit wa 8 wa 32, da ban sa ar tylli na ki kool u Heiplanmi Kassar ha ka minit wa 14 wa 39 wa na u Budmiki ha ka minit wa 58.

Ya ki kool ka Jesmine da thap soo tylli na u Arkiru Laloo ha ki minit wa 5,33,53 wa 60, da thap leh chi kool da u Spain Ryngkhlem ha ka minit wa 20.