Ka Bharatiya Janata Party (BJP) ym em klam ko iyi iyi leh chaphang ka Inner Line Permit (ILP) hapoh ka Election Manifesto 2023 hanla toh ka dawa kawa da slem yong ka jylla ya kawa da phah leh ya ka rai yong ka yung dorbar chna aiñ cha ka sorkar pyrdi nadooh u snem 2019.
Hawa kylli hajrong i wym bien ka BJP ya ka ILP, u National Secretary ka BJP, u Rituraj Sinha da ong u wa ka ILP daw ktah ko ya ki kaam uiñke suwari ha ka jylla, wei kani ka phang emkaam wow yaklam sani bha wa waroh kiwa embynta, yow lait i chah ban i ku ka Meghalaya ha ki kaam uiñke suwari.
Hawa yatoh wa i tih ya u Uranium, u Sinha da ong u wa kani ka phang leh toh kawa emkaam wow yaklam sani bha katkam i emkaam yong ka jylla deiwa booh hakhmat yei bha i miat yong ka jylla wa ki kyndon yong ka NGT.
