Ka Balang Presbyterian Wahiajer kam chibynta wow pdiang ya ka Wahiajer Moodymmai Presbytery heijooh i por u lehkmen ya ka Silver Jubilee, neiliang ka Balang Presbyterian Wahiajer da khang pyrchah ko ya ki lok ki jor kiwa mut u wan dai baam lane kiwon kiwon ki tiar ha ka sngi Sunday ka 19 tarik.
Heijooh i por da khut sñiawbha leh ya ki para wa ngait na kiwi tawon ki Presbytery wow yawan cha kani ka yaseiñ Presbytery kam chibynta u lehkmen ya kani ka Silver Jubilee.
Da kyntu leh ya ki Volunteer ka Balang wow pynlai bait ya ki kari kiwa wan cha ka yaseiñ khnang yow lait u em i thut ya kiwa wan yaseiñ.
Kani ka lehkmen Silver Jubilee toh kawa da sdang nadooh ka 15 tarik uni u bnai wei daw pynkut ha ka 19 tarik.
