Ka yung krehkaam u Deputy Commissioner, West Jaiñtia Hills District deiwa ya krehlang wa ka yung krehkaam u District Sports Officer, West Jaiñtia Hills District, Jowai daw pynman ki ya ka Run for Democracy heiyatoh wa kani ka Election MLA 2023 hapoh ka District.
Ya kani ka Run for Democracy daw pynman ha ka 20 tarik uni u bnai neibynta ki kynthai wa chynrang (Open Category).
Yeini i phet pyllah daw sdang deiwa kaweh lama na Main Gate Kiang Nangbah Stadium deiwa lai luti na Ladthadlaboh Main Road-New Hill-Iawmusiang-D.C. Office- Mynthong-Madan Jrisalein-H.K.Singh School-Upper Chutwakhu-Mission Compound-Iongpiah-Dulong-Tpep-Pale-Wah Nangbah-Iawmusiang-Kiang Nangbah Stadium (yow pynkut).
I por wow sdang toh nadooh 6:30 i step thij wei kiwa kwah u chimbynta ye ki wow wan e pyrtuid ha kani hi ka sngi ha Kiang Nangbah Indoor Stadium, Jowai heipor 5:30 i step.
Kamtæ neiliang u DSO da khut u ya waroh kitu kiwa em hapoh ka West Jaiñtia Hills District wow chimbynta ki wei kiwa jop daw e ya ki da ka song-poisa.
