Ha ka yalang yong u Nehemayah Tyngkan uwa man u kyrtong ka Congress na ka 4-Mowkaiaw Constituency ynnin hapoh chnong Saphai wa da pynlai da u waheh chnong ka Saphai, u Gino Synnah.
Hadien ka yalang ki paidbah na Saphai da e ki da ka poisa cha u Nehemayah hadooh T. 26,200 kam chibynta wow kitbok kitrwiang ya oo.
Hajrong ini da ong ki paidbah wa ki ymtoh ki bru wow chah thied chah dai neibhah wa pyrkhat ki yei im ya ki paidbah wa ka pateiñ ki khon ki kti yong ki.
Ki paidbah na Saphai kwah ki leh wow pynyoo nongmuna ki ya ki paidbah ka 4-Mowkaiaw wa ymtoh u ngat ki ha ka poisa yong ki kyrtong neibhah hadien won daw man broo ki.
