Da ki spah ngut ki khynroo kiwa da stat da tip, wa ki wym yoh kaam yoh jaam na ki dong waphær waphær wa em ha poh ka sor Jowai da wan syndet ki ynnin i miet ka 17 tarik ha yung u Moonlight Pariat wow wan e i kyrchaan ya oo ha kani ka kynti.
Hei pynsñiaw kini ki khynroo yei eh wa ya takhooh ki wei wa da yoo ki wa lym yoh da u bru uwa biang wow man kam u MLA, ka mynried yong ki khynroo daw em ko hei maa, da pynsñiaw haroh ki wa boonsien jooh ya takhooh ki hei eh lada lai chimbynta ki ha ki kaam Sports cha baar ka jylla wym jooh yoh yarap ki na ka sorkar, ki khynroo kiwa da stat da tip kiwa imsngi hei kreh mylla niamrong, chna light, kreh tiles yoo ki yei wan knieh khih ki baar jylla iwa da pynchem chitom ya ki wow yoh khih ki wei ka mynried ka yong ki em ko hei maa.
Kamtæ ong ki wa na kini kiwa yakhun MLA na ka Jowai Constituency, du u Moonlight donhi wa yoo ki lada jop u wow em i kyrmen ya ki wei du oo donhi wym ye kiwi tawan ki MLA u chakæ.
Da ong haroh ki wa dang boon ki para khynroo kiwa daw wan e i kyrchaan ya u Moonlight Pariat, wei dei wan kyrchaan i yong ki ym artatien ki wa u Moonlight Pariat u yoh u yei jop wa emburom.
Neiliang u Moonlight Pariat da ong u wa i thmu wa yieñ biang u sa chisien ha kani ka kynti wa da yoo u ya ini i eh waroh, da ong u leh ha oo em u ki ‘Plan’ ki wow pyndooh ya ini i eh waroh, kyntu haroh u ya ki khynroo khyllood wow man ki kiwa laitlooid wow wan pynap pynsñiaw yei eh i yong ki.
