Chrai ka BJP wym chah wow pynemkaam ya ka PA Sangma Stadium yow wan yalap Election u Modi

Hadien wym e bor wow pynman ya ka yalang paidbah u Prime Minister ka ri, u Narendra Modi ha PA Sangma Stadium wa em ha Tura heiwa da dep pynbait tarik wow wan u Modi ha ka 24 tarik uni u bnai wei heipor wa lai paan bor na u District Sports Officer da ong u ya ki wa kani ka madan toh ka wym pu em e kti cha oo wei toh kawa dang chna hadooh katni katwa ka BJP da kylli ko wa kammon ini wa dep da dep wai ya kani ka Stadium.

Hajrong ini, u BJP National General Secretary, u Rituraj Sinha da pynbaad u wa ka National People’s Party (NPP), ka All India Trinamool Congress (AITC) wa kiwi de ki Party da kwah ki wow pynsangeh ya ka la-ær ka BJP ha Meghalaya.

Da ong leh wa kammon sang hawa ha ka 16 tarik u Kmaichonglad (Dec) da wai ya kani ka Stadium deiwa lehkmen wa heh bha tangwa katni won hadien ar bnai da e jubab wa ya kani ka Stadium dang chna ya ka wei ym ye wow pynman yalang hapoh kani ka madan.

Da ong u leh wa ym tip kiyi wa khanglaad wow pynman yalang ha kani ka madan wei kamjooh kiwa emkti wow leh yeini, tangwa ka chnat Sports ka jylla da ong ko wa kani ka Stadium ym pu man u pyman ya ka yalang paidbah.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da kdaw u wa ya ka PA Sangma Stadium da chna hei lut wa T. 127 klur heiwa na kani, 90% da e da ka sorkar pyrdi wei katni won hadien wa da yoo wa ki bru da kyrchaan ki ya u Prime Minister wa ya ka BJP, da kwah ki wow pynthut yei yalap Election ka BJP.

Chooh chooh da ong u wa u Prime Minister hawa kwah u wow klam ya ki paidbah ka Meghalaya, ym em wa ye u khang oo.