Ka Municipal wa wanrah O toh kawa da dep pyndam ka sorkar, kawa katni toh ka yong paidbah: Dr. RC Laloo

U Dr. RC Laloo, MLA warim ka Jowai Constituency hawa wan yalap Election neibynta u kyrtong ka TMC na Jowai, u Awhai Andrew Shullai ha ka yalang wa da pynman ha Jowai ha ka 18 tarik uni u bnai, da pynche u yei mih khubor wa da ong wa oo da wanrah u ya ka Municipal ha Jowai dep tæ ieh u ka khlem e baam.

Da ong u wa ya ka Municipal da wanrah u ka 28 snem nachwa ha u snem 1995 wei da em leh ka yakhih wa joor bha yow pyndam noh ka wei da poi u pood leh wow rem Election u.

Katkam ki kot ki sla wa em ha oo, da ong u wa ka sorkar jylla ha u Khonchonglad (Nov) 2000, lyngba ka Cabinet hapoh i pynlai u Montri Rangbah ka UDP, da rai wow pyndam noh ya ka Jowai Municipal Board wei yeini da pynbna paidbah ha u bnai wa bood iwa mut wa ka Municipal wa da wanrah u ym em de ko wei ka Municipal wa em katni toh ka yong ki paidbah ym toh de kawa da wanrah da oo.

Heiyatoh won wa i lai kyrchaan u ya u kyrtong ka TMC hajrong wa em kyrtong ka Congress, da ong u wa ya ka Congress wot cha Delhi leh ym em de wa chongchit ka wei du i donhi cheini wa chongchit ka wei ki waheh boon da yut ka nadooh kiwa jooh man Montri ka sorkar pyrdi leh da yut ki ka.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kamtæ nadooh ynnin u snem da dep ong u ya u Andrew wow yieñ yaleh na kawon kawon ka Party, heiwa oo daw kyrchaan u ya oo wei da yoo u leh wa ha u Andrew em i pyrkhat wa sakhiat wei oo leh deiwa em u Andrew da yoh u wow dam u yaleh Election.

“Ym ieh O ya phi lada ym em u bru wow mihsalan heithaw yong nga,” da ong u Dr. RC Laloo.

Da ong u leh wa u kyrtong ka UDP uwa katni toh uwa da dep hikai u yow man CEM wei wow chimkti na oo uwa jooh em chirup wa oo da ki snem wei da yooluti u wa daw wan u yow chem yumut wa oo yow e kti noh ha oo neibhah da pyrkhat u wow chong ngiah nadooh u 2013 tangwa uni ym em leh u yeini.

Kamtæ hadien wa yachem u wa u Andrew heipor wa man u kam u dkhot ka Youth Congress da yoo u wa man u u bru wa stat wei ha u 2014 da ong u yow Andrew wow yaleh MDC heiwa u Andrew da jubab u deiwa ong katwa ong phi.

Wei da e u leh ya oo ya ka Ticket yaleh MDC wei hadien wa jop da pynman ya oo kam u EM wei da pynman u leh ya oo kam u CEM.