Ynne ka sngi u kyrtong ka Congress na Mowkaiaw Constituency, u Nehemayah Tyngkan da pynman u ya ka yalang paidbah ha Barato heiwa da sakhi ya ki hajar ngut ki paidbah na ka thaaiñ kiwa da wan chimbynta ha kani ka yalang.
U Roaming Lamare, Secretary ka chnong Mushrot, hawa e yei klam da ong u wa i wan ki paibah ha kani ka yalang hanla khlem e bai kari ka bai nongsngi ya ki leh pynyoo ko ya i maya wa em ki paidbah ya u Nehemayah wei da beiñ u ya ka sorkar ka UDP wa NPP wa toh ka sorkar kawa thok ya ki paidbah.
U President ka MBCC, u Rikut Parien hawa e i klam da khana u ya ka parom ka Syiem Latympang deiwa ong wa u Nehemayah wan u na ka manyung wa dooh wei wan u chaphrang wow chakri ya kiwa duna hei yoh i laa yong ka Constituency kamtæ da kyntu u ya ki paidbah wow kyrchaan ki ya u Nehemayah ha kani ka kynti.
U EC Bamon kam u MLA warim ka thaaiñ hawa e yei klam da ong u wa ha u snem 2008 heipor wa man u kam u MLA ym jooh ieh u ya kiwon kiwon leh deiwa kyntu ya ki waheh ka Barato wa ka thaaiñ Shiliangmyntang wow kyrchaan ya u Nehemayah ha kani ka kynti.
Da ong u wa emkaam wow pynjop ya u Nehemayah kam u MLA khnang wow ye u wow kreh neibynta ki paidbah wei iwa duna ha u Nehemayah, oo won wow kdaw luti wow yah luti nadooh ki chnat sorkar wa kiwi kiwi ki thaw.
Ya kani ka sngi da pynphooh da ki chaad wa ki rwai wa da pynkhreh da ki manbei wa ki khynnah ka chnong Barato.
