U MDC ka Shilliang Myntang, u Rudaioo Tang da kyntait u yei pynbaad wa oo wa leh tæ dooh ka chnong Musiaw ya ka Scheme JJM katkam wa da pynbaad ha ka yalang yalap Election wa da pynman da u kyrtong ka UDP, u Nujorki Sungoh ha 4-Chnong (Musiaw, Umsalang, Latymphu wa Moobandu) heiwa da pynbaad ya u MDC wa toh du neidaw wym yoh u wow pynkreh ya kani ka Scheme tæ poi noh chei ujor wei da dooh noh kani ka chnong ya kani ka Scheme pynpoi umkor hadooh ha yung.
Neiliang u Rudaioo da ong u wa ka Village Water and Sanitation Committee (VWSC) da e ko yei tyrwa (Recommendation) wow pynkreh da ka chnong Musiaw hi ya kani ka Scheme nadooh i chna ya ka top booh um (Service Tank) wei wow siang ya ki Pipe (Functional Household Tap Connection) yow pynlai ya um cha ki yung bru tangwa neiliang u MLA, u Nujorki Sungoh da khut u ya ka Tender wow kreh ya ki Service Tank neidaw wa kwah u wow e kreh cha ki bru yong oo kiwa na Maitdein.
U Rudaioo da khana u leh wa oo wa man kam u Contractor kani ka Scheme ha kini ki 4 Chnong heiwa ha Musiaw leh toh oo hi wa yoh Contract yow siang Pipe katwa ya ka Service Tank won da mut wow e cha kiwi.
Da pyntip u leh wa nadooh wa sdang da chim ya ka rai wa ki tre thaw wa booh ya kini ki Service Tank wa em soo tylli daw pynkreh da ki hi hei pyrtuid yong oo kawa T. 8.75 lak kawi katwa yow siang Pipe won da yoh u ya ka Contract wa T. 60 lak ha chnong Musiaw.
Kamtæ i kreh ya ka JJM ha Musiaw da sahkut i neidaw wym em e kreh yei yi yei yi wow kreh ya ki Service Tank hadien wa da pyrchah yei khut Tender u MLA.
Da ong u leh wa kam u MDC dang oo wa boon wa wanrah Scheme ha kini ki 4-Chnong deiwa e mar T. 6 lak katwa u MLA ha Musiaw ym em pynyoh Scheme u kawi leh katwa ha Umsalang da e u T. 2 lak, ha Latymphu T. 3 lak wa ha Moobandu T. 5 lak.
