Kam chibynta wow bood ya ki kyndon pynman Election heiyatoh waka Meghalaya Legislative Assembly 2023, wei katkam i bor hapoh ka kyndon Section 126 ka aiñ Representation of People’s Act 1951, neiliang u District Election Officer, West Jaiñtia Hills da pyntip u wa 48 kynta chwa u khut ka thap Vote ym chah de wow pynman ya ki yalang wa yatoh wa ka Election.
Ini kynthup ki ya waroh ki yalang paidbah, ki lai paidbah kamjooh wow wah wow pynyoo paidbah kiwon kiwon ki dak, ki dur wa yatoh wa ka Election.
Da khang wow leh yeini katkam ka Section 126 (3) ka aiñ Repesentation of People’s Act 1951 deiwa yalap Election leh lyngba ki TV, ki baiscope, wa kiwi ki laad pynbna paidbah wot deiwa pynman ya ki tamasa kam ki tem i put (Musical Concert) ki yalehke Theatre wa kiwi de.
Kiwa leh pyrchah daw pynchitom ya ki katkam ki kyndon Section 126 (2) ka aiñ Representation of People Act 1951.
