U District Magistrate ka West Jaiñtia Hills da pyntip u wa kini ki 48 kynta chwa ka sngi thap Vote da man ki kiwa emkaam bha ya ki bor sorkar ym du wow pynkhreh ya ka sngi thap Vote kamjooh leh heiyatoh wa i pynkrehkaam ya ka aiñ yow man ka Election kawa khooid wa suba.
Ha kini ki 48 kynta da khang leh wow pynman ya kiwon kiwon ki yalap Election katkam ki kyndon Section 126 ka aiñ Representation of the People Act, 1951 wei daw paitbniah bha wym em kiwa saam poisa, kiwa saam kiad, kiwa e tiar sñiawbha wa kiwi kiwi de yow pynbiej ya kiwa thap Vote.
Kamtæ yow pyntikna wa waroh ki kaam man ki kiwa lai bait, neiliang u B.S. Sohliya, IAS, District Magistrate, West Jaintia Hills District da pynkrehkaam u ya ka Section 144 CrPC ha waroh kawi ka District yow khang ya kini ha wah:
Da khang wow yalang palat 5 ngut ki bru.
Da khang wow pynman ya ki yalang paidbah lane wow pynbna paidbah, wow lai paidbah kiwa yatoh waka Election.
Da khang wow pynemkaam ya ki tanghæng.
Da khang wow em ki bru wa yalap Election, kamjooh ki bru Party wa kiwi kam kini kiwa da wanrah na baar Constituency ki wym toh kiwa em Vote hapoh Constituency, wei kini toh u mih noh ki mar ya kut i por wa chah u yalap Election lada em ki ha ki Constituency ka wym em Vote ki.
Ini won ym krehkaam i ya kitu kiwa ksohkaam Party kiwa man kam ki In-Charge ka jylla. Kini hap ki wow khana yei thaw sah ki ha ki Headquarter ka jylla wei u chah u lai ki du cha yung krehkaam ka Party wa cha thaw sah donhi ki.
Da khang wow pynsah ya kiwa na baar ha ki Tent, ki Camp, ki Community Hall wa kiwi kiwi.
Da khang leh wow leh ya waroh ki jait ki Exit Polls/Opinion Poll wei wow pynmih leh ya kini Exit Polls/Opinion Poll ha ki laad pathai khubor wa kamjooh ha ki Social Media.
Kani ka hukum u krehkaam ko nadooh ka 4:00 waje i janmiet ka 24-02-23 hadooh wa kut ka sngi thap Vote ka 27-02-23.
