U CEO ka Meghalaya, u FR Kharkongor da pyntip u wa hadooh wa kut ka 24 tarik da em 974 tylli ki Polling Teams namo ki bru wa kreh ha ki Polling Station kiwa da mih yow lai cha 59 tylli ki Constituency hadien wa da pyndam yei thap Vote ha Sohiong Constituency.
Hadooh 9:30 i miet ka 24 tarik da em 893 tylli ki Polling Teams kiwa dapoi ha jar jiar ki Polling Station wei da em kiwa hap ku wei hiar ya ki riat wa synrang bha, u kaap um, da em leh kiwa hap wow pynkit ya ki tiar ki tar da ki Ropeway wei em leh kiwa da hap wow chong da ki lieñ kiwa da e pyrtuid Boat of Democracy yow poi cha Kamsing Polling Station ha Amlarem Sub-Division kawa em du 35 ngut kiwa thap Vote.
Da em leh kiwa da hap wow kit tiar da ki khoh yow pyntikna wa ki EVM poi ki cha ki thaw wei ym em wa dooh ya ka hok yong ki wow thap Vote.
Ki Polling Party kiwa lai cha Rongcheng Polling Station ha South Garo Hills da hap ki wow lai kjat 8 kynta nadooh i step wei em leh kiwa da hap wow lai kjat da 4 kynta yow poi cha ki Polling Station.
Kiwa dang sah ki 2445 tylli ki Polling Team daw mih ki yow lai cha ki Polling Station hei step ka 26 tarik.
Da em leh 63 tylli ki Polling Station wa da hap pyndam neidaw wa khlaad u kyrtong ka UDP, u HDR Lyngdoh kiwa em hapoh ka Sohiong Constituency.
Da booh leh ya ki bru ka chnat Forest, Wildlife Division yow yarap ya ki Polling Party ha ki thaw wa em hati ha ka thaaiñ Nongnah yow pyntikna wa poi thaw ki deiwa suk.
