Ha iwi i jia tyrrah kari wa yoo chyrkhei wa da jia hapyrdi kawi ka Truck 12 chaka kawa kit Cement kawa em ya u Number WB-41G-7268 kawa dang hiar cha Shillong, da lai tyrrah ko ya kawi ka kari Mahindra Bolero kawa em ya u Number AS-26B-7908 kawa dang ku cha Shillong hadooh wa katai ka Bolero da pra ko phrai wei kiwa em hapoh katai ka Bolero da khlaad ki pyn hei thaw wa jia.
Ini wa jia wa sñiawsih da jia heipor 2:30 ynne i sngi haka chnong Sumer Umbang, Ri-Bhoi.
Katai ka Truck toh kawa da pynhær bha wei manda poi ko hei thaw wa dong bha, ym ye de uwa yah wow ksoh ka wei da kynthiar ko cha chiliang sarok deiwa lai tyrrah bait ya katai ka Bolero.
Hapoh ka Bolero da em 6 ngut kiwa chong kiwa 3 ngut ki chynrang wa 3 ngut ki kynthai kiwa da khlaad noh ha ini i thaw. Uwa yah Truck wa uwa bood ya oo da mynsoo joor ki wei da kit cha Civil Hospital Shillong yow yoh yei sumaar.
Katkam ka khubor wa da yoh, katai ka Bolero toh ka yong ka Dioceses of Bongaigoan Assam wei kitai kiwa khlaad toh ki Sister, ki Brother wa ki Father wei katni ka takit dang lai chakhmat da ki pulit.
