Heiyatoh wa ka sngi niaw Vote kamjooh i pynbna ya kiwa jop ka Election MLA 2023, neiliang u District Election Officer, West Jaiñtia Hills da pynbna u ya ki kyndon wa hap wow bood thij.
Da khang wow pynman yei lai chaad, yei lai paidbah hadien wa da pynbna ya kiwa jop ha ki Constituency wa em hapoh West Jaintia Hills District wei yeini da khang wow leh hadooh ka 4:00 waje i janmiet ka 4 tarik uni u bnai Wisu (Mar), 2023.
Da khang leh wow yalang ki paidbah ha lait i thaw niaw Vote heipor wa pynman yei niaw Vote.
Da khang leh wow kbai ya ki kyntien yong Election hapoh ka thaw wa niaw Vote hadooh wa kut i niaw Vote wei da pynbna ya kiwa jop.
Da khang wow pynemkaam ya ki tanghæng (PA System/Loud Speaker) yow lehkmen da kiwon kiwon ki Political Party lane ki kyrtong hapoh hapoh i thaw wa i pchem ka thaw niaw Vote.
Hapoh ka thaw niaw Vote namo ka Counting Hall daw chah du uwi u bru wa da em ya ka ID Card/Car Pass wa e da u District Election Officer, West Jainita Hills District kiwa daw chah u psiah cha kani ka thaw.
Ym chah wow rah ya ki Mobile Phone wa ki Camera chapoh ka Counting Hall.
Waroh kawi ka thaw niaw Vote namo ka Counting Centre u man ko kawa da khang wow dih sikret namo ka No Smoking Zone.
