Kam chibynta wow pynkhreh ya ka sngi niaw Vote ha East Jaiñtia Hills District kawa daw pynman ha yung krehkaam u DC ha Khliehriat, da pynkreh noh yei rukom lai kari neibynta ka 2 tarik uni u bnai ka wow krehkaam nadooh 7:00 waje i step hadooh wa kut i niaw Vote.
Kamtæ da booh ya ki No Entry Point ha kini ki thaw ha wah:
Daw booh ya ka No Entry nadooh na u sarok NH-06 wow lai cheiliang ka yung krehkaam u DC, Khliehriat.
Daw em leh ka No Entry nadooh na laad Presbyterian Hr. Secondary School chadooh cha Sanmala (NH-06).
Sa kawi ka No Entry toh nadooh na laad wow lai cha yung krehkaam warim u DC chadooh ka yung krehkaam thymme u DC, Khliehriat.
Kawi won ka No Entry toh nadooh na Community Hall ka Khliehriat West yow lai cha u sarok NH-06.
Kawa khadooh toh na laad SBI/lad Block yow lai cha u sarok NH-06.
Heiyatoh wa i thaw booh kari: Waroh ki kari wa wan na Rymbai daw booh kari ki nadooh yung krehkaam warim u DC wei ha rood sarok cheiliang Rymbai.
Ki kari wa wan na Deinchynrum daw hap lai ki cheiliang Khliehriat East wei wow pynyieñ ki ha Khliehriat East Playground.
Ki kari wa wan na Moowakhu daw hap ki wow lai cha Lad Sutnga wei daw pyndong biang ki cha Chi Kilo yow pynyieñ kari wa ha Khliehriat West Playground kam ka thaw pynyieñ kari hi.
Ym chah wow pynyieñ kari ha rood u sarokbah NH-06 nadooh na Lad Sutnga chadooh cha laad madan Deinchynrum.
Kamtæ da kyntu ya ki paidbah wow ya krehlang ki khnang wa ka sngi niaw Vote.
