Phooh phieñ i lehkmen Family Day yong ka Police Public School

Jowai: Ka Police Public Secondary School, Jowai West Jaiñtia Hills District, da pynman ko yei lehkmen wa nyngkong ynne ka sngi 4 tarik ya ka sngi ki manyung mansem kawa da tip kam ka Family Day Celebration, ya kani ka lehkmen da pynman ha pchem kani ka skur heiwa u Superintendent of Police (SP) ka West Jaiñtia Hills District u R. Muthu da man u kam u kongsan.

Da lehkmen ya kani ka sngi kam chi bynta wow pynem burom ya ki bei ki pa kamjooh leh ya ki khynnah, neibhah ki bei ki pa man ki kam kiwa e i stat wa nyngkong ya ki khon.

Ya kani ka lehkmen da pyllai da u Bonny First Kharnaior wa ka kong Clarify Lamare, hei emlang u headmaster ka skur u M.C. Dkhar, Waheh Chnong Salini Colony u ma B. Pajuh wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo ya kani ka skur da seiñ ha u snem 1995 kam ka Primary School wei ha u snem 2003 won da kyntu ya ka cha ka Upper Primary School wei ha u snem 2007 da kyntu ya ka cha ka Secondary School.

U R. Muthu hei klam yong oo da ong u wa i stat i tip toh u man ko kawa pura kawa paka neibhah ye ko u wanrah boon i myntoi ya samen kamjooh leh ya ka ri waroh kawi.

Chooh chooh da e khublei u leh ya ka tnat pulit kawa da chynna jngai wei kawa da sdang ya kani ka skur ha Jowai ka wow kyntu ya i stat i tip liang wanang.

Ha kani ka sngi da yoh leh yei klam na na u headmaster ka skur u Waheh Chnong wa kiwi kiwi kiwa sikai skur.

Da pynchongchit ya kani ka lehkmen da ki Chaad Pliang, History Dress næ ka rukom riam yongrim na ka wi ka pateiñ cha kawi, ki rwai ki siaw wa kiwi kiwi kiwa da pynkhreh nadooh ki khynnah hadooh ki waheh.