Jowai : Ha ka yakhun Quarter Final kawa le yong ka 2nd Division wada pynman ynne ka sngi ha madan Kiang Nangbah Stadium, da pynyaleh hapyrdi ka Lumiongkjam wa ka Mookyrdup.
Ha kani ka yakhun ka Lumiongkjam da jop ko da 2-1 heiwa ya ka kool ka Mookyrdup da thap da u Lalthakuma Ngaite ha ka minit wa 13.
Ya ki kool ka Lumiongkjam toh kiwa da su kylliang lyngba ka kool na u Dasaki Challam ha ka minit wa 16 wa na u Jenda Suiam ha ka minit wa 39.
Na ini i jop, ka Lumiongkjam da yoh ko u psiah cha ka Semi Final.
Ha ka yakhun Super Division won hapyrdi ka Nangbah Mulang wa ka Ladthadlaboh ka Nangbah Mulang da jop ko da 3-1.
Ya ki kool ka Nangbah Mulang da thap da u Pyrkhat Dkhar ha ka minit wa 20, wa ar kool na u Heimon Dkhar ha ki minit wa 40 wa 89.
Katwa ya ka kool ka Ladthadlaboh da thap da u Simeon Suchiang ha ka minit wa 80.
Lyngba ini i jop ka Nangbah Mulang da psiah ko cha ka Semi Final.
Ynne ka sngi leh ki dhab yong ka WJDSA da leh burom ya ki wow lai chim bynta ki ha ka Invitation Football wa khut da ka Shillong Sports Association ha ka lyngkhooh dap chipspah snem yong ka.
Discussion about this post