Ka Dorbar Chnong Pdengshakap kawa pynman yaka lympung yalehbol kawa tip kam ka 9th Secondary School Football Knock-Out Tournament 2022-23, ha madan Pdengshakap da yoh ko u pteiñ ya ki yalehke ha kani ka 4 tarik da ki yalehke Quarter Final wa khaddooh.
Ha ka yalehke wa nyngkong ka Lakashiang FC da jop ko ya ka Thangbuli YSWC da 4-1 lyngba i yachut Tie-Breaker hadien wa ka yalehke da kut ko da 0-0.
Haka yalehke wa ar won ka One Soul Utd (Pdengkarong) da jop ko yaka Amlarem Social Club da 7-6 deiwa yachut Tie-Breaker hadien wa ka yalehke da kut ko da 1-1.
Kamtæ kini ki arliang da yoh ki wow psiah cha ka Semi Final yong kani ka Tournament.
Neiliang yong ka Tournament Committee Pdengshakap da pynbna ko wow pynman ya ka Semi Final wa nyngkong ha kani ka 11 tarik hapyrdi ka Tariang FC pyrchah ya ka Lakashiang FC heipor 2:00 waje i sngi.
