U SP ka East Khasi Hills da pyntip paidbah u wa u Prime Minister ka ri India, u Narendra Modi deilang wa u Home Minister ka ri, u Amit Shah daw wan ki cha Shillong ha ka 7 tarik uni u bnai neibynta ka yalang pynsmai ya ka sorkar wa thymme ha Raj Bhawan.
Kamtæ yow pyntikna wa suk i lai i wan kini ki VVIP khlem da em i pynthut kamjooh neibynta ki paidbah, daw booh No Entry ha ki kattu katni ki sarok kiwa yabi wa ki sarokbah wa daw pynemkaam da kni ki VVIP ha kani ka 7 tarik nadooh 10:20 i step hadooh 12:30 i sngi.
Ki No Entry man ki kamni ha wah:
Nadooh 7th Mile chadooh cha yingkieñ Umshyrpi/Rilbong Point.
Nadooh Khlieh lew Junction/Murgi Bazaar Junction chadooh Upper Shillong wa Anjalee Petrol Pump Civil Hospital Point-IGP Point-Kachari Point-Raj Bhawan.
Nadooh na Mahavir Park Junction chadooh yingkieñ Umshyrpi wa Anjalee Petrol Pump.
Nadooh na Police Bazaar chadooh Kachari Point-Raj Bhawan.
Nadooh na CS Junction chadooh Raj Bhawan.
Nadooh na Pinewood Junction chadoooh Raj Bhawan.
Nadooh na St. Anthony’s College chadooh Gurudwara Junction-AIR Junction.
Nadooh na Lower Lachumiere chadooh AIR Junction Raj Bhawan.
Nadooh na Barik Point chadooh Civil Hospital Junction.
Kamtæ da kyntu ya kiwa chong chnong ka Shillong wow dam u lai na kini ki luti lait noh wym hoi de u dam lane wow chim da kiwi tawon ki luti.
Da paan maap leh na ki paidbah yeini i chah pynthut.
